Вобкент туман ҳокими Фарҳод Умаров иштирокида Вобкент тумани Педагогика коллежи биносида ўтказилган навбатдаги оммавий сайёр қабул ҳам аҳоли билан тўғридан-тўғри мулоқотни кенгайтириш, мавжуд долзарб муаммоларни аниқлаш, уларни бевосита жойида бартараф этиш юзасидан аниқ ва тезкор чоралар кўриш мақсадига қаратилганлиги билан аҳамиятли бўлди.
Бўлиб ўтган ушбу қабулда Халқ қабулхонаси вакиллари, туман ҳокими ўринбосарлари, тумандаги ташкилот ва идоралар раҳбарлари, бошқа мутасаддилар қатнашдилар.
Юзма-юз очиқ мулоқотда электр энергияси узилишлари, иш билан таъминлаш, ичимлик суви ўтказиш, қишлоқ йўлларини таъмирлаш, тадбиркорлик қилиш учун ер майдони олиш, кадастр ва солиқ ҳужжатлари билан боғлиқ масалаларга оид 8 та мурожаат келиб тушган бўлса уларнинг 2 таси шу жойнинг ўзида, 3 тасига ҳуқуқий, 2 тасига тушунтириш ва ўрганиш учун муддатлар белгиланди.
Бирламчи муҳокама этилган сайёр қабулдаги барча мурожаатларни ўз муддатида кўриб чиқиш ва ўрнатилган тартибда ҳал этиш чора-тадбирлари белгиланди. Бу борада туман ҳокими томонидан ташкилот ва корхоналарнинг мутасадди раҳбарларига топшириқ ва кўрсатмалар берилди.
