Сўнги йилларда вилоятимизнинг туризм салоҳиятини янада ривожлантириш ва ундан фойдаланиш самарадорлигини ошириш, бетакрор тарихий-маданий ва меъморий мерос объектлари билан сайёҳларни кенг таништириш учун янада қулай транспорт хизматлари кўрсатиш ва уларнинг сифатини янада ошириш мақсадида бир қатор ишлар амалга ошириб келинмоқда. Янги автобус ва микроавтобуслар тадбиркорлар маблағлари ҳамда банк кредитлари ҳисобига хариб қилиниб, туристларга транспорт хизмати кўрсатишга кенг жалб этилмоқда.
Шу билан бирга Ўзбекистон Республикаси Президенти Ш.М.Мирзиёевнинг 2019 йил 29-30 март кунлари Бухоро вилоятига ташрифи давомида вилоят фаоллари иштирокида ўтказилган йиғилиш баёнининг “Бухоро шаҳри – Етти пир зиёратгоҳлари” йўналишида транспорт қатнови йўлга қўйиш тўғрисида берилган топшириқ ижросини таъминлаш, вилоятнинг туризм соҳасини янада ривожлантириш ҳамда сайёҳлар ва вилоят аҳолисига сифатли транспорт хизмати кўрсатиш мақсадида Бухоро вилояти транспорт бошқармаси томонидан “ARK TRAVEL” МЧЖга тегишли бўлган янги замонавий автобус ва микроавтобуслар қатнови йўлга қўйилмоқда.
Қатновлар 2020 йил 22 август кунидан бошлаб Бухоро шаҳри Газли шоссеси йўли ёқасида жойлашган Шарқ бош бекатидан карантин қоидаларига амал қилган ҳолда соат 09-00дан бошланади.
Ушбу йўналишда саёҳат қилишни хохловчилар хизматлардан фойдаланиши мумкинлигини билдирамиз.
