Ўзбекистон Республикаси Президентининг 2021 йил 19 июнда қабул қилинган ПҚ-5152-сонли «Кўп квартирали уй-жойларни бошқариш тизимини янада такомиллаштириш тўғрисида»ги қарори ижросини таъминлаш мақсадида Бухоро шаҳри, шунингдек Жондор, Ғиждувон, Олот ва Қоракўл туманлари марказларидаги кўп квартирали уйларга хизмат кўрсатувчи Бошқарув сервис компаниялари ташкил қилинаётганлигини маълум қиламиз.
Ушбу ҳудудлардаги кўп квартирали уйларни бошқариш, истиқомат қилувчиларнинг яшаш ва яшаш учун мўлжалланмаган жойлардан фойдаланишда қулай ҳамда хавфсиз шароитларни таъминлаш, умумий мол-мулкни лозим даражада сақлаш ва умумий мол-мулкдан фойдаланиш масалаларини ҳал этишни янада такоммиллаштиришни кўзда тутувчи Бошқарув сервис компаниялари фаолияти йўлга қўйилади.
—Бошқарувчи ташкилотлар очиқ танлов ўтказиш йўли билан танланади ва уларга қуйидаги вазифалар юклатилади:
-шартномага асосан барча кўп квартирали уй-жойларни бошқариш, мулкчилик шаклидан қатъий назар ҳудуддаги ташкилот (объект)ларга сифатли коммунал ва авария вазиятларини бартараф этиш хизматларини кўрсатиш;
-тегишли ҳокимлик билан тузилган шартномага асосан ҳудудни кўкаламзорлаштириш ва ободонлаштириш ишларини амалга ошириш.
Мазкур ҳудудлардаги кўп квартирали уйларда истиқомат қилаётган аҳолининг оғирини енгил, мушкулини осон қилиш орқали тадбиркорлик фаолиятини давом эттирмоқчи бўлган ҳамюртларимизни очиқ танловда иштирок этишга таклиф этамиз. Танлов шартларига доир қўшимча маълумотларни Вилоят Уй-жой коммунал хизмат кўрсатиш бошқармасининг
http://buxorokommunal.uz веб-сайти, ёки
(65)225-09-43,
(65)225-66-44 телефон рақамларига қўнғироқ қилиб билиб олишингиз мумкин.
Тадбиркорлик истагидаги ҳамюртларимизнинг мурожаатлари жорий йилнинг 16 июн куни соат 18:00 га қадар қабул қилинади.
Бухоро вилояти Уй-жой коммунал хизмат кўрсатиш бошқармаси маъмурияти.
