Президент Шавкат Мирзиёевнинг 2025 йил 4 октябрдаги ПФ–178-сонли фармонига мувофиқ, қўмита, агентлик ва инспекциялардаги раҳбар ўринбосарлари сони оптималлаштирилди.
Расмий маълумотларга кўра, давлат бошқарув тизимидаги 36 нафар раҳбар ўринбосаридан 16 нафари лавозимидан озод этилди, 20 нафари эса фаолиятини давом эттиради.
🏛 Қўмиталарда:
11 нафар раҳбар ўринбосаридан 4 нафари қисқартирилди.
Жумладан, Ветеринария ва чорвачиликни ривожлантириш, Автомобиль йўллари, Туризм ҳамда Санитария-эпидемиология осойишталик қўмиталарида биттадан лавозим тугатилди.
🏢 Агентликларда:
12 нафар раҳбар ўринбосаридан 6 нафари қисқартирилди.
Ўсимликлар карантини, Сув хўжалиги объектлари эксплуатацияси, Ўрмон ва яшил ҳудудларни кўпайтириш, Чиқиндиларни бошқариш, Фармацевтика ҳамда Кинематография агентликларида биттадан ўринбосар лавозими тугатилди.
🔍 Инспекцияларда:
13 нафар раҳбар ўринбосаридан 6 нафари қисқартирилди.
Қурилиш, Транспорт назорати, Тоғ-кон, Электр энергияси ва Йирик солиқ тўловчилар инспекцияларида лавозимлар камайтирилди.
Шу билан бирга, ижро ҳокимияти тизимида ҳам 2141 та штат бирлиги қисқартирилади. Энг кўп ўзгаришлар Солиқ қўмитаси (498 та), Сув хўжалиги вазирлиги (224 та), Қишлоқ хўжалиги вазирлиги (200 та) ва Бандлик вазирлиги (163 та)да амалга оширилади.
