Жорий йилнинг 27 июнь куни “Кванториум” мобиль технопаркининг бир гуруҳ устоз ва мураббийлари Ромитан туман марказидаги 1-ИДУМда тренинг-семинар ташкил этилди.Мутахассислар гуруҳларга бўлинган ҳолда “PROMROBO KVANTUM”, “VR/AR-KVANTUM”, “XAYTEK” ва “GEOKVANTUM” йўналишларига қизиқувчи ёшлар ўртасида ўқув амалий тренинг машғулотларини ўтказди. Бу ўқув курслари назарий ва амалий характерга эга бўлиб, бунда вилоят Халқ таълими бошқарма бошлиғи Дилфуза Мустафоева, туман ҳокими Умеджон Барноев, туман ҳокими ўринбосари Фузулий Саломов, туман ХТБ мудири Хайрулло Зикриллоев, умумтаълим мактабларининг ўқувчи ва укитувчилари, барча қизиқувчилар иштирок этди. “Кванториум” кўчма болалар технопарки тренерлар гуруҳи тумандаги умумтаълим мактабларининг жами 50 дан зиёд ўқувчиларига замонавий ахборот технологиялари бўйича билимлари, қизиқишларини бойитиб, ўз дастурини намойиш этди.Кун сўнгида меҳмонлар “Bukhara Desert Oasis & Spa” инновацион туризм кластерида бўлишди.
