Жанубий Кореянинг «Bukhara Himchan Hospital» ва «Kyungpook National University Chilgok Hospital» (КNUH) ҳамкорлигида 5,6 ва 7 ноябрь кунлари БЕПУЛ тиббий кўрик бўлиб ўтди.
Кўрик давомида «Bukhara Himchan Hospital»га ташриф буюрган жами 557 нафар бемор ижтимоий ҳимояга муҳтож ёки яшаш шароити оғир фуқаролар Реабилитолог, Ревматолог, Гинеколог, Маммолог, Стоматолог ва УТТ шифокорлари кўригидан ўтказилиб керакли тиббий муолажалар, физиотерапия ва блокада қилинди. Бундан ташқари, 4 нафар беморда Нейрохирург шифокор томонидан бош мия жарроҳлик амалиётлари ўтказилди.
Бундан ташқари «Bukhara Himchan Hospital»да 5 ноябрь куни 2 нафар, 6 ноябрь куни 1 нафар ва 7 ноябрь куни 1 нафар болалар ва катталарда Гидроцефалия ташхиси билан муваффақиятли тарзда БЕПУЛ жарроҳлик амалиётлари ўтказилди.
Аҳолининг тиббий кўмакка муҳтож қатлами учун ташкил этилган ушбу хайрия тадбири, Жанубий Корея тиббиётини яқиндан билиб олиш, аҳолини Кореянинг илғор тиббиёт вакилларидан сифатли тиббий хизмат олишлари учун ташкил этилган бўлиб, барча «Bukhara Himchan Hospital» ва «Kyungpook National University Chilgok Hospital» (КNUH) тиббиёт ходимлари айнан шу мақсадда биргаликда шу уч кун мобайнида аҳоли хизматида бўлди.
