Жорий йилнинг 2-12 сентябрь кунлари ОТМ ларга кириш имтиҳонлари ўтказилиши муносабати билан ушбу кунларда йўловчилар оқимининг кескин суратда ошиб, аҳолига ва абитуриентларга бирдек тезкор, қулай ва сифатли транспорт хизматини кўрсатилишини таъминлаш, мақсадида автобус йўналишлари жадвалига ўзгартириш киритиш масаласи кўриб чиқилмоқда.
Тест ўтказиладиган кунлари абитуриентларга қулайлик яратиш ҳамда йўл кира нархларини сунъий равишда оширилишини олдини олиш мақсадида вилоятнинг барча туман ҳокимликлари олдидан Бухоро шаҳрига олиб келиш учун автобус қатновлари ташкил этилади. Автобуслар эрталабки 06-00 дан кечки 21-00 гача ҳаракатланади. Ҳар бир автобус қайси йўналиш бўйича ҳаракатланиши ҳақида махсус кўрсатгичга эга бўлади. Ушбу автобуслардан фақатгина абитуриентлар фойдаланиши мумкин. Ота-оналар ёки бошқа ҳамроҳлар автобусларга чиқарилмайди. Автобусларнинг санитария қоидаларига риоя қилиши, йўловчилар сони вилоят транспорт бошқармаси масъул ходимлари ҳамда инспекторлари томонидан назорат қилинади.
Аҳоли учун жамоат транспорти одатдаги жадвал бўйича хизмат кўрсатади
