Маълум бўлишича, Ғиждувон туманида яшовчи 18 ёшли Д.М. 2022-йилнинг январь ойида ўзининг ҳомиладор эканини билган. 13-май куни соат 13:30 ларда ўзи яшаб келаётган хонадон ҳожатхонасида ўғил фарзандини дунёга келтирган. Шундан сўнг уни ҳожатхонага ташлаб, қасддан ўлдирган.
Боласини ўлдирган 18 ёшли қизнинг ўз онасига гапириб беришича, у 2021-йил 3-сентабр куни тахминан соат 11:00 ларда яшаш уйида ёлғиз ўтирганида қариндоши М.Т. келиб, уни зўрлаб номусига теккан. Ва шундан сўнг улар ишқий муносабатда давом этган. Бироқ қиз бу тўғрисида ҳеч кимга билдирмаган.
Шундан сўнг она ва қиз қариндоши Т.М.га қўнғироқ қилиб, ҳомила ҳақида айтган. Йигит эса ҳомилани олдириб ташлашини билдирган. Шифокорлар эса ҳомила олиб ташланса, қизининг бундан кейин ҳомиладор бўла олмаслиги мумкинлигини тушунтирган. Она ва қиз бу ҳақда оила аъзолари ва яқин қариндошларига сездирмасликка ҳаракат қилган.
Суд чақалоғини қасддан ўлдирган онанинг қилган ишидан пушаймонлиги, ёшлигини инобатга олиб, унга бир йил муддатга озодликни чеклаш жазоси тайинлаган.
