Маълумки, 2021 йилда Бухоронинг эски шаҳар қисмида 864 — 868 йилларда қурилган ва Сомонийлар даври (IX-X аср) меъморчилигининг нодир намуналаридан бири бўлган Исмоил Сомоний мақбарасининг 3D нусхаси яратилган эди.
Исмоил Сомоний мақбарасининг “Digital Twin”, 3D технологиялари ва географик маълумотлар ёрдамида бирга-бир рақамли нусхасини (эгизагини) яратиш ҳамда “Google maps” тизимига бириктириш ишлари Корея Республикаси ахборот технологияларини ривожлантириш миллий агентлиги томонидан амалга оширилиб, лойиҳага умумий қиймати 150 минг АҚШ доллари бўлган гранд маблағлари ажратилганди.
2022 йилда эса Бухоро тарихий марказидаги барча маданий мерос объектларининг бирга-бир рақамли нусхасини яратиш ҳамда баъзи тарихий обидаларни масофадан туриб бошқариш ва мониторинг қилиш имкониятини берувчи сенсорли датчиклар, шунингдек, онлайн камералар ўрнатиш бўйича концепция ишлаб чиқилиб, Корея халқаро ҳамкорлик агентлиги (КОИCА)нинг грант лойиҳасига ҳужжатлар топширилганди.
Мазкур лойиҳанинг ҳудуди, қамрови ва техник-иқтисодий жиҳатлари ҳамда юқори даражада амалга ошириш имкониятларини ўрганиш мақсадида КОИCА мутахассисларидан иборат ишчи гуруҳи куни кеча Бухорода бўлди.
Ташриф давомида ишчи гуруҳи Бухоронинг таприхий қадамжоларида бўлишди ҳамда вилоятдаги тегишли ташкилотлар вакиллари билан лойиҳани амалга ошириш билан билан учрашувлар ўтказилди.
