Бухоро вилоятининг Ромитан тумани Қуйи Миришкор қишлоғидаги хонадонда газ баллони портлаб, ёнғин содир бўлди.
Фавқулодда вазиятлар бошқармаси ахборот хизмати раҳбари Миржон Файзуллаев ҳодиса юзасидан маълумот берган:
«Жорий йилнинг 27-август куни соат 00:05 да Ромитан туманидаги ʼАттаронʼ МФЙ, Қўйимиришкор қишлоғида ёнғин содир бўлаётгани тўғрисида Ромитан туман ФВБга хабар келиб тушди. Хабар юзасидан фуқаронинг яшаш хонадонига 3 та ёнғин қутқарув автоэкипажи жалб этилди. Ушбу экипаж манзилга соат 00:20 да етиб борди. Бу пайтгача эса хонадоннинг 81 кв/метр майдонининг том қисми ва уй жиҳозлари ёниб кетгани аниқланди. Ёнғин 01:40 да тўлиқ бартараф этилди», — деди Миржон Файзуллаев.
Дастлабки маълумотларга кўра, фуқароларнинг куйиш ва ҳалок бўлиши ҳолатлари қайд этилмаган.
