Бухоро. 2020 йилнинг 02 июль куни соат 14:00 да 27 ёшли Ш.В., жамоат жойи ҳисобланган Бухоро шаҳар Газлишох кўчасида жойлашган Бухоро автошоҳбекати ташқи томонида жамиятда юриш-туриш қоидаларини қасддан менсимасдан мазкур бекатда киракашлик билан шуғулланиб келаётган 33 ёшли Х.А., ни ҳеч бир сабабсиз юз қисмига қўли билан қасддан уриб, Х.А., га соғлиғининг қисқа муддатга, яъни олти кундан кўп аммо йигирма бир кундан кам бўлмаган муддатга бузилишига сабаб бўлган «ЕНГИЛ» тан жароҳати етказиб, безорилик жиноятини содир қилган.
Ҳолат юзасидан Бухоро шаҳри бўйича ИИО ФМБ ҳузуридаги Тергов бўлими томонидан Ш.В., га нисбатан Ўзбекистон Республикаси Жиноят кодексининг 277-моддаси 1-қисми (безорилик) билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Ҳурматли фуқаролар қонун билан тақиқланган ҳар бир хатти-ҳаракат қонунда белгиланган тартибда жавобгарликни келтириб чиқаради, шу боис ўзингиз ва оила аъзоларингизнинг тақдирига бефарқ бўлманг.
Ўзбекистон Республикаси ИИВ ҳузуридаги Тергов департаменти
