Захирадаги ер майдонини 8 500 АҚШ долларига пулламоқчи бўлган шахслар қўлга олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, департаментнинг Бухоро вилоят бошқармаси томонидан ИИБ ходимлари билан ҳамкорликда тезкор тадбир ўтказилган. Унда фуқаро Х.К. ва бошқалар фуқаро С.га Бухоро шаҳрининг «М.Таробий» МФЙ ҳудудидаги 5 сотих захирадаги ер майдонини 8 500 АҚШ долларига сотишга келишиб, алдов йўли билан 94 млн сўмни олган вақтларида ашёвий далиллар билан ушланганлар.
Ҳолат юзасидан Жиноят кодексининг 25,168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
