USD10 487.53–0.12%
RUB142.13–0.48%

Бухорода «QuWatt» бренди остида автобензин ишлаб чиқарилди

Бухорода «QuWatt» бренди остида автобензин ишлаб чиқарилди

«Бухоро» нефтни қайта ишлаш заводида «QuWatt» бренди остида  АИ-95 русумидаги автобензин ва дизель ёнилғиларини ишлаб чиқариш йўлга қўйилди. Бу ҳақда «Ўзбекнефтгаз»АЖ Матбуот хизмати маълум қилди.

Унга кўра, ушбу лойиҳа  Германиянинг «BASF SЕ» компанияси билан ҳамкорликда амалга оширилган.

«QuWatt» АИ-95 русумидаги автобензин двигателларда тозаликни сақлашнинг мукаммал таъсирига эришиш,  клапанлардаги ҳосил бўладиган қатлам миқдорини 4 мг/клапан қийматидан ошмаслигини таъминлаш, двигатель клапанларини қатламлардан юқори даражада, яъни 80% гача тозалаш имконини беради.

Шунингдек,  автомобиль двигатели қувватини оширади ҳамда ёқилғини 3 фоизгача тежалишига эришилади.

Жорий йилнинг ўтган биринчи ўн кунлигида 480 тонна «QuWatt» бренди остида АИ-95 русумидаги автобензин ишлаб чиқарилди ва республика товар хомашё биржаси орқали сотувга қўйила бошланди.

Мавзуга оид