Бухорода шахс бузуқлиқ тарғиботи учун жиноий жавобгарликка тортиладиган бўлди.
Бухоро шаҳар ИИО ва ФМБ томонидан тақдим қилинган маълумотга кўра, С.Жўра кўчасида яшовчи 2003 йилда туғилган Б. исмли шахс илгари ҳам порнографик материалларни тарқатганлиги учун жиноят ишлари бўйича Бухоро шаҳар суди томонидан Ўзбекистон Республикаси МЖтКнинг 189-моддаси билан маъмурий жавобгарликка тортилган бўлсада, бундан ўзига ижобий хулоса чиқармасдан яна шу ишини давом эттириб, «САМСУНГ» русумли уяли телефони орқали интернет тармоғида алоҳида телеграм канал очиб, порнографик мазмундаги видероликларни юклаб, оммага тарқатиб, порнографик маҳсулотларни тарқатиш жиноятини содир қилган.
Мазкур холат юзасидан Б. га нисбатан жиноят иши қўзғатилиб, ҳозирда дастлабки тергов ҳаракатлари олиб борилмоқда.
