Бухоро вилоят маъмурий судлари томонидан 2022 йилнинг 9 ойи давомида жами 610 (33 та 5,7 фоизга ошган)та оммавий-ҳуқуқий муносабатлардан келиб чиқадиган ишлар кўриб тамомланган.
Тамомланган ишларнинг 178 таси ҳоким қарорларини ҳақиқий эмас деб топиш ва ҳокимият мансабдор шахс ҳаракати (ҳаракатсизлиги)ни қонунга хилоф деб топиш билан боғлиқ кўрилган оммавий низолар ҳисобланади.
2022 йилнинг 9 ойи давомида 142 та бюджетдан ташқари пенсия жамғармаси (мансабдор шахс)ларнинг қарорларини ҳақиқий эмас деб топиш, ҳаракат (ҳаракатсизлиги)ни қонунга хилоф деб топишга доир ишлар кўриб тамомланган.
Мажбурий ижро бюросининг туман (шаҳар) бўлимлари давлат ижрочиларининг қарорларини ҳақиқий эмас деб топиш ва уларнинг ҳаракати (ҳаракатсизлиги)ни қонунга хилоф деб топиш билан боғлиқ кўрилган оммавий низолар 55 та кўрилган бўлиб, ушбу ишларнинг 41 таси қарорларини ҳақиқий эмас деб топиш билан боғлиқ ишларни, 14 таси давлат ижрочиларининг ҳаракати (ҳаракатсизлиги)ни қонунга хилоф деб топиш билан боғлиқ ишларни ташкил қилади.
Давлат солиқ органларининг қарорларини ҳақиқий эмас деб топиш ва улар мансабдор шахсларининг ҳаракати (ҳаракатсизлиги)ни қонунга хилоф деб топиш билан боғлиқ кўрилган оммавий низолар 141 та кўрилган бўлиб, ушбу ишларнинг 134 таси қарорларини ҳақиқий эмас деб топиш билан боғлиқ ишларни, 7 таси мансабдор шахсларнинг ҳаракати (ҳаракатсизлиги)ни қонунга хилоф деб топиш билан боғлиқ ишларни ташкил қилади.
