Бухоро шаҳридаги Педагогика институтида анъанавий август конференциясининг Бухоро вилояти босқичи бўлиб ўтди. Бу йилги август конференцияси “Мактабгача таълим тизимида жорий ҳолат ва истиқболдаги вазифалар” мавзусига бағишланди.
Конференциясининг Бухоро вилояти босқичида туман ва шаҳар мактабгача таълим бўлими раҳбар ва мутахассислари, мактабгача таълим ташкилотлари директор ва методистларидан иборат 150 нафар тингловчи иштирок этди. Конференцияси давомида тинловчилар гуруҳларга бўлинган ҳолда таълим сифатини оширишга қаратилган 8 та мавзудан иборат қисқа муддатли ўқув-машғулотларида билим ва малака оширди. Такомиллаштирилган “Илк қадам” ўқув дастурини амалиётга жорий этиш, давлат ва нодавлат таълим ташкилотлари педагог кадрлари таркиби ва сифатини ошириш, мактабгача таълимда рақамли трасформация жараёнларини ривожлантириш ҳамда бошқарув кадрлар салоҳиятини юксалтириш бу – мактабгача таълим сифатини оширишга қаратилган жорий йилдаги устувор мақсадлар. Анжуман иштирокчилари томонидан ушбу мақсадлар ижроси бўйича аниқ вазифалар белгилаб олинди.
Конференцияси якунида 2021-2022 ўқув йилида самарали фаолият олиб борган раҳбар ҳамда педагог кадарлар шунингдек, конференция ўқув-машғулотларида қатнашган тингловчиларга фахрий ёрлиқ ҳамда сертификатлар топширилди.
