Қайнота К.С. ўзига тегишли уйда турмуш ўртоғи, икки нафар ногирон ўғли, келини Сабоҳат Ҳаққулова ҳамда невараси билан яшаб келган. Рўзғор харажатлари қайнота зиммасида бўлгани боис К.С. ўзининг ногирон фарзандларини ҳам пул ва моддий даромад топиб келолмасликда айблаган. Айниқса, келини Сабоҳат Ҳаққуловага ўта раҳмсиз муомалада бўлиб, қўрқитган, унинг шаъни ва қадр-қимматини муттасил равишда камситиб келган.
Ўзи ва ижтимоий ҳимояга муҳтож турмуш ўртоғининг доимий камситилишига чидай олмаган келин ўз жонига қасд қилиш мақсадида яшаш хонадонининг ошхонасида бўлган елим идишдаги бензинни устига сепиб, ўзини ўзи ёқиб юборган.
«Янгиобод» маҳалла фуқаролар йиғини раиси Холмурод Турсуновнинг билдиришича, ушбу оиладаги ижтимоий ҳимояга муҳтож икки нафар фарзанд учун доимий равишда кўмак пули ва озиқ-овқат маҳсулотлари етказиб турилган.
Тиббий муолажаларга қарамасдан, танасининг 95-98 фоизи куйган келин 2019 йил 20 декабрь куни вафот этган.
2020 йил 9 июль куни мазкур ишни кўриб чиққан Жиноят ишлари бўйича Ғиждувон туман суди келинини ўзини ўзи ўлдириш даражасига етказган қайнотани 4 йил муддатга озодликдан маҳрум қилди.
«Янгиобод» маҳалла фуқаролар йиғини раиси Холмурод Турсуновнинг билдиришича, ушбу оиладаги ижтимоий ҳимояга муҳтож икки нафар фарзанд учун доимий равишда кўмак пули ва озиқ-овқат маҳсулотлари етказиб турилган.
P.S. Бизнинг фикримизча маҳалла раиси, маслаҳатчиси ва профилактика нозирини ҳам жавобгарликка тортиш масаласини кўриш лозим эди. Чунки улар ҳудуддаги ҳар бир оилани аҳволидан хабардор бўлишган, бефарқ қарашган ва зарурий чораларни кўришмагани оқибатида ҳолатни келтириб чиқаришган. Бошқаларга сабоқ бўларди…
