Азиза Герашшенко 2005 йилда туғилган бўлиб, ҳозир бувисининг қарамоғида яшайди. Бухоро давлат университетида таҳсил олади. Азиза Авезова эса 2002 йилда таваллуд топган бўлиб, амакисининг ғамхўрлиги остида вояга етмоқда.
Иккала ёшга ҳам Бухоро шаҳри Амир Темур кўчасида қад ростлаган янги, замонавий тарзда таъмирланиб, жиҳозланган уйлардан тақдим этилди.
Уй калитларини топшириш маросимида Ўзбекистон Республикаси Президенти ҳузуридаги Ижтимоий ҳимоя миллий агентлигининг вилоят бошқармаси, Миллий гвардия Бухоро вилояти бошқармаси, Бухоро шаҳар ҳокимлиги масъуллари қатнашди.
Шунингдек, Азиза Герашшенко олий ўқув юртини битириши биланоқ “Инсон” ижтимоий хизматлар марказида психолог сифатида иш бошлаши ҳам айтиб ўтилди.
