Тантанали очилиш маросимида Бухоро туман ҳокими Хайрилло Жўраев, «Маданият Муҳаммад Исмат» фермер хўжалиги раҳбари, «Ўзбекистон Қаҳрамони» Муҳаммад Аҳмедов, ўқувчиларнинг ота-оналари ва кенг жамоатчилик вакиллари иштирок этишди.
Маросимни Бухоро тумани ҳокими Хайрилло Жўраев кириш сўзи билан очди. Президент Таълим муассасалари Агентлиги тасарруфидаги Бухоро тумани ихтисослаштирилган мактабининг рамзий лентаси кесилиб, тадбир иштирокчилари муассасада яратилган шароитлар билан яқиндан танишди.
Мазкур мактабда 263 нафар энг иқтидорли, энг қобилиятли ўқувчилар танлаб олиниб, уларга математика, физика, кимё, биология ва ахборот технологиялари ҳамда хорижий тиллар илғор таълим методологиялари асосида чуқур ўргатилади.
