Бухорода араб тили ва ислом хаттотлик санъатидан сабоқ берадиган “Ал-Манар” марказининг очилиш маросими бўлиб ўтди.
Тадбирда диний идоралари масъул мутасаддилари, халқаро сайёҳлик ташкилотлари, туризм соҳаси экспертлари ва мутахассислари, жамоатчилик, оммавий ахборот воситалари ходимлари, вилоятдаги диний таълим муассасалари талабалари билан бир қаторда Бирлашган Араб Амирликлари, Саудия Арабистони, Корея, Малайзия, Индонезия каби давлатлардан Ислом дини пешволари, илмий жамоатчилик вакиллари иштирок этдилар.
Тадбирда Бухоро хаттотлик мактаби тарихи, унинг истиқболида бугундан иш бошлаган араб тили ва ислом хаттотлик санъатидан сабоқ берадиган “Ал-манар” марказининг ўрни ҳақида ҳам алоҳида сўз борди.
Тадбир давомида ҳафталик доирасида хаттотлар ўртасида ўтказилган танлов ғолиблари тантанали тақдирланди.
