Аниқланишича, мазкур нумизматика ашёлари ҳеч қандай тегишли ҳужжатларда кўрсатилмаган.
Маълум қилинишича, “Бухоро-Внуково” авиарейси орқали ҳаракатланаётган фуқаро “Бухоро Аэропорти” чегара божхона постининг божхона назорати зонасидан отиш чоғида, унинг кузатиб бориладиган багажи инспекцион кўрик мажмуаси ёрдамида сканердан ўтказилган.
Натижада ҳеч қандай тегишли ҳужжатларда кўрсатилмаган ва божхона ходимининг оғзаки сўровида маълум қилмаган жами 96 дона тарихий тангалар борлиги аниқланган.
Таъкидланишича, мазкур нумизматика буюмларининг қадимийлик даражасини аниқлаш мақсадида Бухоро вилояти маданий мерос бошқармаси томонидан бадиий экспертиза тайинланган.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.
