Бу ҳақида, бугун бўлиб ўтган Халқ депутатлари Бухоро вилояти кенгашининг навбатдаги сессиясида вилоят прокурори Маҳмуд Истамов маълум қилди.
Прокурорга кўра, Қоровулбозор тумани мактабгача таълим бўлими мансабдор шахслари томонидан 2022 йилнинг январь ойидан жорий йилнинг 1 апрелига қадар етказиб берилмаган маҳсулотлари учун 511 млн. сўм маблағ таъминотчи корхоналар ҳисоб рақамларига кўчириб берилиб, талон-торож қилинган.
Прокуратура томонидан туман МТБ бош ҳисобчиси ЖКнинг 205-моддаси 2-қисми билан иш қўзғатилган.
Шу каби, Олот тумани мактабгача ва мактаб таълими бўлими мансабдор шахслари томонидан 5 та ҳолатда 122,8 млн. сўмлик озиқ-овқат маҳсулотлари камомадига йўл қўйиб, бюджет маблағлари талон-торож қилинган.
Шофиркон туман мактабгача таълим бўлими собиқ бошлиғи, бош ҳисобчи ва бошқалар ўзаро жиноий тил бириктириб, 2022 йилнинг сентябрь – октябрь ойларида ўтказилган танловларда иштирок этмаган тадбиркорлардан мол гўштини қиммат нархларда харид қилганликлари оқибатида давлат манфаатларига 118,9 млн. сўмлик кўп миқдорда зарар етказилган.
Ушбу ҳолатллар юзасидан жиноят кодексининг ттегишли моддаларига кўра жиноят иши қўзғатилган.
