Бухоро вилоятидаги йирик саноат корхоналари фаолияти билан танишилди

​Саноат кооперацияси ва давлат харидлари агентлиги раҳбари Бахтиёр Хайдаров Бухоро вилоятига ташриф буюриб, ҳудуддаги йирик саноат корхоналари фаолияти, мавжуд ишлаб чиқариш қувватлари ҳамда истиқболли инвестиция лойиҳалари билан яқиндан танишди.
​Ташриф давомида саноатни диверсификация қилиш, ишлаб чиқариш ҳажмларини кенгайтириш, юқори қўшилган қийматли маҳсулотлар улушини ошириш ҳамда саноат кооперациясини мустаҳкамлаш масалаларига алоҳида эътибор қаратилди.
​Ташриф доирасида жами 8 та саноат объекти фаолияти билан яқиндан танишилди:
​⚫️ “BUXARA REAL MOTO” МЧЖ: Трицикл ва квадроцикллар ишлаб чиқариш ташкил этилган. 2026 йилда 60 млрд сўмлик 2,5 минг дона, 2027 йилда эса 65 млрд сўмлик 2,6 минг дона маҳсулот ишлаб чиқариш кўзда тутилган.
​⚫️ “PETROCHEM BUKHARA” МЧЖ: Газойл, мотор мойлари, бензин ва дизел ёқилғиси ишлаб чиқарилмоқда. 2026 йилда 12 млрд сўмлик 1,1 минг тонна, 2027 йилда эса 13 млрд сўмлик 1,5 минг тонна маҳсулот режалаштирилган.
​⚫️ “SULPHOTECH” МЧЖ: Азот, фосфор ва калий компонентлари асосида комплекс минерал ўғитлар ишлаб чиқарилади. 2026 йилда 18 млрд сўмлик 73 минг тонна, 2027 йилда эса 20 млрд сўмлик 75 минг тонна маҳсулот кўзда тутилган.
​⚫️ “TEKHNOCHEM” МЧЖ ҚК: Бензол фракцияси ва ароматик углеводородлар аралашмаси ишлаб чиқариш лойиҳаси. 2026 йилда 194 млрд сўмлик 15 579 тонна, 2027 йилда эса 387 млрд сўмлик 31 033 тонна маҳсулот ишлаб чиқариш кутилмоқда.
​⚫️ “XIANGYANG GROUP” МЧЖ ХК: Саноат қоғози, гофрировка қилинган қоғоз ва гофракартон ишлаб чиқариш. 2026 йилда 100 млрд сўмлик 10,4 минг тонна, 2027 йилда эса 110 млрд сўмлик 11,5 минг тонна маҳсулот белгиланган.
​⚫️ “KOGON MARS PLYUS” МЧЖ: Нефт-газ соҳаси учун эҳтиёт қисмлар ишлаб чиқарилмоқда. 2026 йилда 194 млрд сўмлик 1,1 минг тонна, 2027 йилда эса 21 млрд сўмлик 1,2 минг тонна маҳсулот режа қилинган.
​⚫️ “SILK ROAD INNOVATION GROUP” МЧЖ: Инновацион гидроизоляция маҳсулотлари ишлаб чиқариш. 2026 йилда 11 млрд сўмлик 150 минг кв метр, 2027 йилда эса 12 млрд сўмлик 165 минг кв метр маҳсулот кўзда тутилган.
​⚫️ “Бухоро саноатни ривожлантириш комплекси”: Махсус саноат парки ҳудудда саноат кооперациясини ривожлантириш ва янги инвестиция лойиҳаларини жойлаштиришда муҳим платформа бўлиб хизмат қилмоқда.
​✔️ Ташриф якунида ишлаб чиқариш ҳажмларини ошириш, маҳсулот турларини кенгайтириш ва экспортбоп маҳсулотлар улушини кўпайтириш бўйича аниқ вазифалар белгилаб берилди.