Бухоро вилояти ва Хитой Халқ Республикаси ҳудудлари билан ташқи савдо алоқаларини ривожлантириш, ҳудуднинг иқтисодий салоҳиятини намойиш этиш, инвестиция ва туризмга оид тақдимотлар ўтказиш мақсадида вилоят делегацияси Хитой давлатида бўлиб қайтди.
Делегация таркибидан, Ромитан тумани ҳокимининг инвестициялар саноат ва савдо масалалари бўйича ўринбосари Ином Файзиев ҳамда туманнинг ишбилармон ва тадбиркорлари ўрин олишди.
Ташриф давомида қатор расмий учрашувлар, ҳудудлар билан инвестициялар, саноат, савдо ва туризм ҳамкорлиги истиқболларига бағишланган Форумлар, ишбилармон доира вакиллари ва салоҳиятли компаниялар билан “B2B” ва “G2B” форматдаги учрашувлар ўтказилди, йирик корхоналарнинг ишлаб чиқариш жараёнлари билан танишиш, маҳсулотлар ва савдо кўргазмасида иштирок этилди.
Тадбирлар ва урашувлар давомида туманимиз инвестиция салоҳиятини ҳамда экспорт ҳажмларини ошириш бўйича бир қанча таклифлар билдирилди.
