Азал-азалдан устоз-мураббийларга бўлган ишонч, ҳурмат-иззат ўзгача бўлиб келган. Устоз деганда, ҳар қайси инсон кўнглида чуқур ҳурмат-эҳтиром ва чексиз миннатдорлик туйғулари, шу билан бирга, ҳеч қандай бойлик билан ўлчаб ва адо қилиб бўлмайдиган қарздорлик ҳисси пайдо бўлади.
Бухоро вилоят суди фахрийлари нафақадаги устозлар Абдукаримов Ботир Ҳусенович, Саидова Рахима Тахировна ҳамда Ҳакимов Хамид Хасановичлар ҳам бугунги кунда шогирдлари ардоғидаги ана шундай нуроний онахон ва отахонлардир.
9 май-Хотира ва қадрлаш куни муносабати билан Бухоро вилоят судининг судьялари фахрий устозларнинг хонадонида бўлиб, файзли дастурхон атрофида мазмунли суҳбат уюштиришди.
Устозлар барҳаёт, уларнинг шогирдлари, қолдирган илму маърифатлари сабаб эзгу ишлари доимо бардавомдир. Шу сабабдан ҳам, устозларга эҳтиром кўрсатиш, уларни ёд этиш муқаддас бурч ҳисобланади.
Нурбек Рахимов,
Бухоро вилоят судининг бош консултанти
