Аҳоли билан тўғридан-тўғри мулоқотни кенгайтириш, мавжуд долзарб муаммоларни аниқлаш, уларни бартараф этиш юзасидан аниқ ва тезкор чоралар кўриш мақсадида Бухоро вилояти прокуратураси ва Бухоро туман ҳокимлиги томонидан бугун «Работиқалмоқ» маҳалласида навбатдаги фуқаролар қабули ўтказилди.
Аҳоли томонидан субсидия асосида уй-жой олишда кўмаклашиш, имтиёзли кредит ажратиш, ишга жойлашиш, яшаб турган хонадонини таъмирлаб бериш, моддий ёрдам тайинлаш, соғлигини тиклаш мақсадида амалий ёрдам бериш каби мурожаатлар келиб тушди.
Аксарият мурожаатлар шу ернинг ўзидаёқ ижобий ҳал этилиб, ечими муддат талаб этадиган ёки қайта ўрганиш талаб этадиган мурожаатлар тегишли ташкилотларига йўналтирилиб, ижроси туман ҳокимлиги томонидан назоратга олинди.
