Учрашувда туман ҳокими ўринбосарлари, корхона ва ташкилот раҳбарлари, ёшлар етакчилари, мактаб битирувчилари ва уюшмаган ёшлар иштирок этдилар.
Учрашув давомида туман ҳокими Анваржон Очилов сўзга чиқиб, сўнгги йилларда мамлакатимизда ёшлар сиёсати борасида олиб борилаётган ислоҳотлар натижасида ёшларни қўллаб-қувватлашнинг комплекс тизими яратилгани, билимли, кенг дунёқарашга эга ватанпарвар йигит-қизларни тарбиялаш давлат сиёсатининг устувор вазифаларидан бири этиб белгиланлигини алоҳида қайд этиб ўтди. Шунингдек, туман ҳокими ёшларнинг қобилият ва истеъдодларини рўёбга чиқаришлари учун барча зарур шарт-шароитлар яратиб берилаётгани алоҳида таъкидлаб, уларни ушбу имкониятлардан унумли фойдаланишга, илм-фан ва касб-ҳунар сирларини пухта эгаллашга чақирди.
Учрашувда ёшларнинг тадбиркорлик қилиш, таълим олиш, ўзини ўзи банд қилиш борасидаги мурожаатлари тинглангди ва атрофлича ўрганилди. Хусусан, олий таълим муассасаларида таълим олаётган бир гуруҳ ёшларнинг тўлов шартнома пулларини тўлашдаги муаммолари, сартарошлик, тикувчилик каби тадбиркорлик турлари билан шуғулланиш учун асбоб-ускуна сотиб олиш, ўзини ўзи банд қилиш учун кредит олиш борасидаги муаммолари тингланиб, уларни ҳал қилишга ёрдам бериладиган бўлди.
