Тадбиркор бой бўлса, давлат ҳам бой бўлади. Эл фаровонлиги, юрт тараққиётида тадбиркорликнинг ўрни беқиёс. Рақобатбардош маҳсулот ишлаб чиқариш, ички бозорни сифатли маҳсулотлар билан таъминлаш мамлакат иқтисодиётини ривожлантирувчи асосий омиллардан.
Бухоро туман ҳокими Анваржон Очилов томонидан туманда фаолият олиб бораётган тадбиркорлар фаолияти, яратилган шароитлар билан танишилиб, тадбиркорлар муаммолари тингланмоқда. Бугун ҳам туман ҳокими «Шехонча» маҳалласидаги «Навобод наслли парранда» МЧЖ фаолияти билан танишди. Жараёнда бройлер жўжаларини етиштириш фаолиятини кенгайтириш эвазига ва қўшимча иш ўринлари яратилиши инобатга олиниб, ер майдони ажратилишида амалий ёрдам берилиши билдирилди.
Маълумот ўрнида «Навобод наслли парранда» МЧЖ бройлер жўжаларини етиштиришга ихтисослаштирилган бўлиб, 20 нафардан ортиқ ишсиз фуқароларни иш билан таъминлаб келмоқда.
