Бошқарма томонидан бу каби мурожаатларга асосан жорий йилнинг 29 ноябрь куни электрон тўлов тизими тўлиқ ишга туширилиши билан расман хабар берилиши билдирилган.
Бинобарин Ўзбекистон Республикаси Президентининг 2023 йил 16 февралдаги “Жамоат транспорти тизимини ислоҳ қилиш чора-тадбирлари тўғрисида”ги 59-сонли қарорига асосан Бухоро шаҳар шаҳар жамоат транспортларида электрон тўлов тизимини жорий этиш муддати 2024 йил 1 июнь этиб белгиланган. Ҳозирда “Автоматлаштирилган тўлов тизими оператори” МЧЖ билан ҳамкорликда мазкур тадбирларнинг биринчи босқичи доирасида шаҳар жамоат транспортлари стационар валидаторлар билан таъминланди. Иккинчи босқичда транспорт карталари сотилишини ва тизимни тўла ишга тушириш, шунингдек, Тошкент шаҳри мисолида вақтга боғланган соатлик, кунлик, уч, олти ойлик ва йиллик лимитсиз йўл кира тарифлари ишлаб чиқилмоқда. Бундан ташқари имтиёзли транспорт карталари муомалага киритилиши кўзда тутилган. Шундан келиб чиқиб, электрон тўлов тизими тўлиқ ишга туширилиши билан бу ҳақида расмий хабар берилишини билдирамиз.
Бухоро вилояти Транспорт бошқармаси.
