Вилоятда ўтказилаётган «Хавфсиз ҳудуд» кенг қамровли профилактик тадбирлари доирасида Бухоро шаҳар ИИО ФМБ ходимлари томонидан ўтказилган навбатдаги «Орият» тезкор тадбири давомида Бухоро шаҳар «С.Айний» маҳалласида яшовчи Р.М. ва М.С. исмли аёллар олдиндан жиноий тил бириктириб, бир гуруҳ бўлиб ғаразли ва бошқа паст ниятларда моддий манфаатдор бўлиш мақсадида фуқаро Г.А. исмли эркак билан жинсий алоқа қилишлари учун ўзларига шароит яратиб олиб, бунинг эвазига ушбу фуқародан 1.400.000 сўм пулларни олиб, фоҳишахона ташкил қилганлиги аниқланган.
Мазкур ҳолат юзасидан Бухоро шаҳар ИИО ФМБ ҳузуридаги тергов бўлими томонидан Р.М. ва М.С. ларга нисбатан Ўзбекистон Республикаси Жиноят Кодексининг 131-моддаси 3-қисми билан жиноят иши қўзғатилиб, дастлабки тергов ҳаракатлари олиб борилмоқда.
