Аввал хабар берилганидек, Бухоро шаҳар жамоат транспортини оптималлаштириш ва жамоат транспортлари ҳаракатини онлайн кузатиш имконини берувчи мобиль илова ишлаб чиқиш ишлари билан шуғулланаётган Бухоро давлат университети таянч докторанти Эркин Фарманов ҳозирги кунда ўз тадқиқотларини Венгрияда давом эттирмоқда.
Э.Фарманов томонидан Бухоро шаҳар жамоат транспортини оптималлаштириш лойиҳасини ишлаб чиқиш доирасида бир нечта халқаро лойиҳалар асосчиси россиялик машҳур график дизайнер Константин Коновалов ва унинг жамоаси билан Бухоро транспорт харитаси масаласида онлайн учрашув ташкил этилди.
Ушбу учрашувдан кўзланган мақсад, Бухорода жамоат транспорти йўналишларини оптималлаштириш, транспорт фаолиятини рақамлаштириш, ушбу соҳани тез ва сифатли хизмат кўрсатадиган соҳага айлантиришга қаратилган бўлиб, ҳозир кунда Бухоро жамоат транспорт харитасининг дастлабки кўриши, ушбу хаританинг аҳолига афзаллик жиҳати, муаммо ва истиқболли режалари тўғрисида суҳбат олиб борилди.
Маълумот ўрнида Константин Коновалов, ҳозирги кунгача Москва, Париж ва Тель-Aвив шаҳарларининг жамоат транспорт харитаси асосчиси бўлиб, 10 дан ортиқ хорижий лойиҳаларни амалга оширган. Ҳозирги кунда “Москва-2030” рақамли транспорт харитаси устида иш олиб бормоқда.
Бухоро вилояти Транспорт бошқармаси Матбуот хизмати
