Бухоро НҚИЗда 600 кВт қувватга эга қуёш электр станцияси ўрнатилиб, ишга туширилди.
Ўзбекистон Республикаси Президенти Шавкат Мирзиёев томонидан 2023 йил
27 февралдаги қайта тикланувчи энергия манбаларидан фойдаланишни кенгайтириш чора-тадбирларига бағишланган видеоселектор йиғилишида “Ўзбекнефтгаз” АЖ тизимида иқтисодиёт ва ижтимоий тармоқларнинг энергия самарадорлигини ошириш бўйича аниқ топшириқлар берилган вазифалар ижросини таъминлаш мақсадида “Йўл харитаси” ишлаб чиқилди ва буйруқлар ижроси юзасидан топшириқлар ишлаб чиқилди.
Ўзининг қайта тикланувчи энергия манбалари (ҚТЭМ) ҳисобидан электр энергияси етказиб беришни ошириш бўйича амалга оширилаётган ишлар доирасида Бухоро НҚИЗнинг ишлаб чиқариш қувватларида қуёш батареяларини ўрнатиш ва ишга тушириш бўйича ишлар қизғин давом этмоқда.
Хусусан, 2022 йилда Бухоро НҚИЗ объектларига 170 та қуёш панели ўрнатилди ва ишга туширилди:
• 3-сув кўтариш нишоатида 50 дона. (умумий 25 кВт);
• Нефть қуйиш-тўкиш эстакадасида 50 дона. (умумий 25 кВт);
• ЎНА ва АЦ биносида 20 дона. (умумий 10 кВт);
• завод марказий лабораторияси биносида 20 дона. (умимий 10 кВт);
• Назорат-ўтказиш пункти 1-биносида 20 дона. (умумий 10 кВт);
• РҚБ объектида 10 дона. (умумий 5 кВт);
2023 йилда, январдан июнгача бўлган даврда 1500 дона қуёш панеллари ўрнатилди ва ишга туширилди:
• Ҳарбийлаштирилган газдан қутқарув отряди биносида 100 дона. (умумий 50кВт)
• Ёнғин ўчириш қисми биносида 100 дона. (умумий 50 кВт);
• Алоқа хизмати биносида 100 дона. (умумий 50 кВт);
• Автомобиллар учун янги тўхташ жойида 1200 дона. (умумий 600 кВт).
Ишлаб чиқарилган қуёш энергияси ҳисобига корхона маъмурий биноларининг бир қисми электр энергияси билан таъминланади.
Таъкидлаш жоизки, қуввати 600 кВт/соат бўлган янги автотураргоҳга ўрнатилган қуёш батареялари 0,4/6 кВ кучланишли кучайтирувчи трансформатор орқали ишлаб чиқарилган электр энергиясини умумий энергия тизимига узатилади. Қуёш панеллари ойига тахминан 200 000 кВт электр энергияси ишлаб чиқаради. Йил охиригача Бухоро НҚИЗда камида 600 дона қуёш батареяси ўрнатиш режалаштирилган, бу эса деярли 3 000 кВт/соат қўшимча электр энергиясидир.
Бундан ташқари, завод биноларини иссиқ сув билан таъминлаш учун қуёш сув иситгичлари параллел равишда ўрнатилмоқда.
Бухоро НҚИЗда энергия тежовчи технологияларни ривожлантиришга алоҳида эътибор қаратилмоқда, уларнинг жорий этилиши нафақат салмоқли экологик, балки иқтисодий самара ҳам беради.
Ўз навбатида, заводда энергия сарфини камайтириш, хом-ашёдан фойдаланишни оптималлаштириш ва юқори сифатли нефть маҳсулотлари ишлаб чиқаришни кўпайтириш имконини берувчи дастур ишлаб чиқилди.
