Жорий йилнинг 31 октябрь ва 5 ноябрь кунлари Бухоро муҳандислик-технология институтида ҳафта давомида институтида “Битирув малакавий ишини амалиётга тадбиқ этиш” мавзусидаги анъанавий III халқаро илмий-амалий конференция бўлиб ўтди.
Мазкур Халқаро конференция А.Н.Косыгин номидаги Россия давлат университети, Дон давлат технология университети, Тожикистон қишлоқ хўжалиги Академияси, Сант-Петербург саноат технологиялари ва дизайн университети, Тошкент давлат техника университети, Тошкент тўқимачилик ва енгил саноат институти сингари институтнинг ҳамкор ОТМ лари ҳамда “Бухорои Шариф зардўз Рохим”, “Ekvatorial chodak”, “Mergan Teks”, каби ҳамкор корхоналари билан биргаликда ўтказилди.
Конференцияни БухМТИ ректори, техника фанлари доктори, профессор Нусратилла Баракаев очиб берди.
Шунингдек, Ўзбекистон Республикаси Олий Мажлисининг Инсон ҳуқуқлари бўйича вакилининг (Омбудсманнинг) Бухоро вилояти минтақавий вакили, фалсафа фанлари доктори профессор Хусейнова Абера Амоновна сўзга чиқиб, битирув малакавий тадқиқотларни амалиётда тадқиқ этиш юзасидан ўтказилаётган халқаро илмий-амалий конференция ишига муваффақият тилади.
Ўзбекистон Республикаси Халқ демократик партиясининг Бухоро вилояти бошқармаси бошлиғи Зулфия Нозимовна, “Пахта ва енгил саноат технологиялари” факультети декани, доцент И.М.Рахмонов битирувчи талабалар фаолиятига омад тилади.
Барча иқтидорли бакалавр, магистр, докторант талабалар ўз қобилиятларини намойиш этишди. Ҳамкор халқаро ОТМ вакиллари ва институтнинг профессор-ўқитувчилари томонидан қизиқарли маърузалар тингланди.
Ушбу конференция тадбирида институтнинг “Дизайн” йўналиши талабалари томонидан “Модалар намойиши” ташкил этилди. Унда иқтидорли дизайнерлар томонидан “Баҳор гуллари”, “Бухоро гавҳари”, “Кумуштарий” каби коллекциялар намойиши бўлиб ўтди.
Ҳафта мобайнида давом этган тадбирда талабалар “Тикувчилик саноатида инновацион технологиялар” кафедраси профессор-ўқитувчилари раҳбарлигида “Энг яхши ижодий иш”, “Энг яхши креатив ғоя”, “Энг яхши коллекция муаллифи” номинациялари бўйича фаол иштирок этишди.
Ҳайъат аъзолари томонидан ғолиблар аниқланиб, улар институт ректори ҳамда юқори ташкилот ходимлари томонидан диплом ва эсдалик совғалари ила муносиб тақдирландилар.
Мазкур амалий ва илмий Халқаро конференция расмий шўба йиғилишлари ва давра суҳбатлари доирасида турли амалий кўргазмалар ҳамда танловлар, шунингдек, илмий маърузалар асосида қизиқарли ва қизғин тусда, қолаверса жуда кўтаринки руҳда ўтди.
