Қадрли журналистлар, ОАВ ходимлари! Бугунги кун нуқтайи-назаридан энг оғир ва масъулиятли касб эгаси, шубҳасиз, сизларсиз!
Кеча-кундузда содир бўлаётган ислоҳотлар, янгиликлардан тезкорлик ва холислик билан ўз вақтида бохабар қилаётганингиз, ҳар бир раҳбар фаолиятини холисона ёритиб, очиқлик ва шаффофликни таъминлашда катта натижаларга эришаётганингиз, энг муҳими, фаолиятингиз ватанпарварлик асосига қурилгани таҳцинга сазовор.
Сўнгги йилларда сўз айтиш ва фикрий эркинлик борасида қилинаётган ишлар кишини қувонтиради. Бу борада матбуот аҳли, журналистларнинг ўз фикрини, таҳлилларини эркин баён этиши, ўзи қизиққан соҳада журналистик суриштирувлар олиб бориши, ислоҳотларга одоб-ахлоқ доирасида муносабатини билдириши, мухтасар қилиб айтганда, Ўзбекистон журналистикасининг жаҳон ахборот майдонида муносиб ўрин эгаллаши учун мустаҳкам пойдевор яратилди. Шу маънода бугунги кунда эришилаётган ҳар бир ютуқда оммавий ахборот воситаларининг ҳиссаси бор ва бундан сўнг ҳам уларнинг жамият ривожидаги ўрни сув ва ҳаводек зарур, десак алсо муболаға бўлмайди.
Янги Ўзбекистоннинг янгича фикрли, креатив ва тезкор, адолатни мезон қилган журналистлари, матбуот ходимлари! Босма нашр ёхуд мухбирмисиз, тележурналист ёки радиобошловчимисиз, оператор ёки матбуот хизмати ходими бўласизми, хуллас, ҳар бирингиз миллат бугуни ва эртаси учун аҳамиятлисиз! Истеъдодингиз, салоҳиятингиз, ҳақиқатни юзага чиқаришдаги фаолиятингиз тараққиётимизни таъминлайдиган омилдир.
Ҳар бир раҳбар фаолиятини, хусусан, Олий таълим муассасаси ҳамда таълим тизими соҳасидаги янгиликларни ёритишда ОТМ матбуот котибларининг хизмати бениҳоя катта. Қилинаётга ишлар тезкорлик ва холислик асосида ёритилар экан, ижодкор ва ихтирочи талабалар, қобилиятли ёшлар республика миқёсида танитилиб борилар экан, иш сифати ошади, улардан руҳланиб, ўз ижодини намоён этадиган ёшлар сафи кенгаяди.Ҳаётга доим сергак кўз билан қарайдиган журналистлар, Ватан манфаати йўлида тинмайотган матбуот аҳли! Барчангизни яна бир бор касб байрамингиз чин қалбдан қутлайман. Қаламингиз ўткир, сўзларингиз равон, чиқишларингиз таъсирчан бўлиб, ҳамиша халқ ардоғида юринг. Машаққатли ва олийжаноб фаолиятингизда улкан муваффақиятлар тилайман. Сиҳат-саломатлик, бахт-у саодат, ижодий баркамоллик ҳамиша ёр бўлсин.Байрамингиз муборак бўлсин!
