Институт айни пайтга қадар Ҳиндистон, Россия, Полша, Туркия, Италия, АҚШ каби давлатларнинг соғлиқни сақлаш соҳасидаги етакчи олий ўқув юртлари билан ҳамкорлик алоқаларини йўлга қўйган, қўшма лойиҳалар доирасида факультетлар ташкил этилган.Жорий йил 12 апрель куни Иорданиянинг “Adam Аhmad consulting” компанияси вакиллари ҳамда Абу Али ибн Сино номидаги Бухоро давлат тиббиёт институти билан ҳамкорлик шартномаси имзоланган эди. Унга кўра 2022 йил ўқув йилидан бошлаб Иордания, Миср ва бошқа бир қатор араб давлатлардан талабалар институтда таҳсил ола бошлашади. Шу муносабат билан Иордания давлатида Бухоро давлат тиббиёт институти аккредитациядан ўтказилди. Эндиликда, янги 2022 йил академик ўқув йилидан бошлаб Иордания фуқаролари институтнинг Даволаш иши ва Стоматология йўналишлари бўйича таҳсил ола бошлашади. Бу ўз навбатида олийгоҳ рейтинггини оширишдаги ҳамда таълим соҳасида олиб борилаётган ишларнинг натижаси сифатида дунёда эътироф этилаётганини билдиради!
Бухоро давлат тиббиёт институти Иордания давлатида аккредитациядан ўтказилди
