Бугун 5 декабр “Халқаро волонтёрлар куни” муносабати билан Бухоро давлат педагогика институти Волонтёрлар маркази аъзолари эътироф этилди. Байрам муносабати билан талаба-ёшлар ташаккурнома ва эсдалик совғалари билан тақдирланди.
Бухоро давлат педагогика институтида жамият ҳаётини ривожлантириш йўлида ҳеч қандай талабларсиз, яхшилик улашай деб билим ва кўнгиллилик фаолияти йўлини тутиб илдам давом этаётган талабалар эътироф этилди. Бугунги кунда волонтёрлик фаолиятини олиб бораётган бир қатор институтнинг йигит-қизлари институт ректори томонидан ташаккурнома ва эсдалик совғалари билан тақдирланди.
“Ҳам билим олиб ҳам яхшилик элчиси бўлишдек вазифани бирдай ва беминнат олиб бораётган сиздай талабаларимиз билан фахрланамиз ҳамда ҳар доим сизлар учун кўмакдош бўлишга тайёрмиз!”, – дея институт ректори Баҳодир Маъмуров волонтёр ёшларни байрам билан муборакбод этди.
