Олий таълим, фан ва инновациялар вазирлиги, Спорт вазирлиги ташаббуси билан “Беш ташаббус олимпиадаси” доирасидаги олий таълим муассасалари талабалари ўртасида оммавий спорт мусобақаларининг республика финал босқичи бўлиб ўтди.
“Бир неча кун давом этган мусобақалар кўплаб иқтидор эгаларини кашф этди. Жамоаларни, қолаверса, бутун юртимиз талаба-ёшларини янада жипслаштирди, ёшлар ўртасида ҳамжиҳатлик туйғуларини ва дўстлик ришталарини янада мустаҳкамлади, десак муболаға бўлмайди.
574 нафар спорцевар талаба иштирок этган мусобақаларнинг якуний натижаларига кўра, енгил атлетика бўйича 1-ўрин Бухоро давлат педагогика институти жамоасига насиб этди. Талаба-ёшларимизни ушбу ғалаба билан муборакбод этаман. Ишонаманки, талабаларимиз кейинги мусобақаларда спортнинг бир неча турлари бўйича совриндор бўлишади” – дейди Бухоро давлат педагогика институти ректори Баҳодир Маъмуров.
Таъкидлаш керакки, мазкур олимпиада жисмоний ва маънавий баркамол авлодни тарбиялашда муҳим бўлиб, юртимиз олий таълим муассасаларида таҳсил олаётган бир қанча иқтидор эгаларини кашф қилишда юксак аҳамият касб этди.
