Бир неча музейлар билан ҳамкорлик шартномалари тузилди. Жумладан, “Гатчина ” давлат музей- қўриқхонаси раҳбари Василий Юрьевич Панкратов бошчилигида музокаралар олиб борилди.
Музокаралар жараёнида иккала музейнинг кўчма кўргазмаларини ташкил этиш, илмий ва реставратор ходимлар малакасини ошириш, мақола ва альманахлар чоп этиш каби бир қанча йўналишларда ҳамкорлик қилишга келишиб олинди. Музокаралар якунида “Гатчина” давлат музей- қўриқхонаси ва “Бухоро” давлат музей- қўриқхонаси ўртасида ўзаро ҳамкорлик тўғрисида меморандум имзоланди. Иккала музей томонидан тайёрланган совғалар алмашинуви бўлиб ўтди.
Сўнгра музей экскурсоводлари томонидан музей экспозициялари бўйлаб экскурсия ташкил этилди. Янги ташкил этилган “Империя Шарққа қарайди” деб номланган кўргазмада Шарқ мамлакатлари қаторида Бухоро амири томонидан совға қилинган ашёлар ҳам намойиш этилган.
Сўнгра Санкт-Петербург вилояти Пушкин шаҳрида жойлашган Царское Село музей- қўриқхонасига ташриф буюрилди. Музей директори Ольга Владиславовна Таратинова экспозиция заллари билан таништирди. Ушбу музей экспозиция залларида замонавий интерфаол техникалардан фойдаланиш услублари, кўргазма экспозицияларни ташкил этиш ҳамда музейнинг таъмирлаш жараёни, янги фотокўргазмада фотосуратлардан кенг фойдаланилганлиги ҳақида маълумот бериб ўтилди.
