Бухоро вилояти божхона бошқармаси “Бухоро аэропорт” чегара божхона пости орқали юртимиздан хорижга отланган фуқаронинг яшил йўлакдаги хатти-ҳаракатлари божхоначилар эътиборини тортди ва ушбу шахс ўрнатилган тартибда божхона назоратидан ўтказилди.
Натижада, ушбу шахс божхона ходимларига маълум қилинмаган ва декларацияда кўрсатилмаган кулранг рангли сумкаси ичида умумий қиймати 126 млн 217 минг сўм эквивалентидаги нақд хорижий валюталар яъни 700 000 Россия рублини ноқонуний олиб чиқиб кетишнинг олди олинди.
Ҳозирда юқоридаги ҳолат юзасидан божхона органлари томонидан терговга қадар текширув харакатлари давом эттирилмоқда.
