Тадбирни БухДУ Ёшлар масалари ва маънавий-маърифий ишлар бўйича биринчи проректори Азизбек Амонов очиб берди. БухДУ ўқув ишлари бўйича проректор Рустам Жумаев ҳамда БухДУ профессори Шоира Аҳмедовалар жаҳон интеллектуал мероси тараққиёти тарихида жадид маърифатпарварлигининг ижтимоий-иқтисодий, фалсафий ғояларининг ўрни хусусида мулоҳазаларини ўртоқлашдилар.
Тадбир жадидлар мавзусида олиб борилган дарс жараёни асосида саҳналаштирилди.
Адиблар ижоди асосида жонлантирилган образлар, саҳна кўринишлар, миллий мусиқа ва рақслар жадидлар яшаган давр ҳамда яратган асарларига хос тарзда уйғунлаштирилди. Абдулла Қодирий хусусида сўзлаб берар экан, ижодини бошлаганидан ўлимигача бўлган давр акс эттирилган саҳна кўриниши, Кумуш, Зайнаб, Офтобойим, Ўзбекойим сингари қаҳрамонлар таҳлил қилинди. Ижро этилган монологлар жамиятнинг саводсизлиги оқибати нималарга олиб келишини кўрсатиб беришга хизмат қилди.
