«3 декабрь – Халқаро ногиронлар куни» муносабати билан Бухоро давлат университети волонтёрлари Бухоро шаҳридаги 24-сон «Нурли маскан» ихтисослаштирилган мактаб интернатида «Матонатли ёшлар ифтихоримиз» номли тадбир ташкил этишди. Унда мактаб раҳбарияти ва ўқитувчилари, БухДУ биринчи проректори А.Амонов, Ёшлар иттифоқи етакчиси Ф.Каримов, университетнинг фаол волонтёрлари ҳамда мактаб ўқувчилари иштирок этишди.

Тадбир давомида қўшиқлар, турли саҳна кўринишлари, қизиқарли викторина ўйинлари, замонавий рақслар ижро этилди. Тадбир якунида ўқувчилар БухДУ раҳбарияти томонидан эсдалик совғалари билан тақдирланишди.