БухДУ ректори, Кенгаш раиси Обиджон Хамидов Ўзбекистон Республикаси Олий ва ўрта махсус таълим вазирлиги Ҳайъат мажлисида кўрилган масалалар ҳамда университетнинг янги ўқув йилига тайёргарлик ҳолати тўғрисида, университет кенгашининг 2022/2023-ўқув йили учун иш режаси ва кенгаш аъзоларининг ва факультет кенгашлари аъзоларининг янги таркибини тасдиқлаш тўғрисида маъруза қилдилар. Шундан сyнг, Ёшлар масалалари ва маънавий-маърифий ишлар бўйича 1- проректор А.А. Амонов Ўзбекистон Республикаси давлат мустақиллигининг 31 йиллигини «Янги Ўзбекистонда эл азиз, инсон азиз» шиори остида нишонлашга тайёргарлик кўриш ва ўни ўтказиш, республика олий таълим муассасалари Биринчи проректор (директор ўринбосарлари)лари учун 2022 йил 13-14-октабр кунлари «Биринчи проректорлар ҳамжиҳатлик ҳаракати 1-форуми»ни ўтказишга тайёргарлик кўриш ва уни юқори савияда ташкил этиш, университетда фаолият олиб бораётган факультет декани ўринбосарлари ўқувини ташкил этиш хусусида маъруза қилди.
Ўқув ишлари бўйича проректор Р.Г.Жумаевнинг 2022/2023-ўқув йилига тайёргарлик бўйича амалга оширилган ишлар ва долзарб вазифалар, университет ўқув-методик кенгашининг йиллик иш режасини тасдиқлаш, таълим йўналишларининг ва мутахассисликларнинг ўқув жараёни жадвали, ишчи ўқув режалар, танлов фан дастурлари ва профессор-ўқитувчиларнинг шахсий иш режаларини тасдиқлаш ҳамда илмий даражаси бўлмаган ўқитувчиларга маъруза соатларини ажратиш хусусида ахбороти тингланди.
Халқаро ҳамкорлик бўйича проректор А.Т.Жўраев халқаро ҳамкорлик ҳамда Хорижий ОТМлар билан ҳамкорлик ишларининг ташкил этиш бўйича амалга оширилган ишлар ва вазифалар, хорижлик талабалар учун шартнома тўловларини белгилаш бўйича таклифларни кўриб чиқиб тасдиқлаш хусусида маъруза қилди.
