Бугун Бухоро давлат университетида Бухоро ва Навоий вилоятларидаги давлат олий таълим муассасасаларининг тюторлари учун ўқув семинари бўлиб ўтди. Ўқув семинарда Навоий вилоятидаги ОТМларидан 50 нафар, Бухоро вилоятидаги ОТМларидан 181 нафар (БухДУдан 90 нафар, БухМТИдан 34 нафар, БухДПИдан 19 нафар, БухДТИдан 26 нафар, Бухоро табиий ресусрсларни бошқариш институтидан 12 нафар) жами 231 нафар тюторлари (таълим-тарбия маслаҳатчилари) иштирок этди.
Ўқув-семинарни ташкил этишдан мақсад Олий таълим муассасаларида фаолият олиб бораётган тюторлар фаолиятини янада жадаллаштириш, уларнинг бугунги кунда дунёда кечаётган геосиёсий ва мафкуравий жараёнлар ҳамда мамлакатимизда амалга оширилаётган ислоҳотлардан хабардорлик даражасини оширишдан иборат. Ўқув-семинар учун ОТМларда фаолият олиб бораётган Вазирлик ва тизимнинг масъул раҳбар-ходимлари, соҳалар бўйича мутасаддилар ҳамда тажрибали профессор-ўқитувчилар таркибидан иборат тренерлар жалб қилинди.
Ўқув-семинарда тюторлик фаолиятининг жорий этилиши, Олий таълим муассасасида тюторлик фаолиятини ташкил этиш тартиблари: тюторликнинг мақсади, вазифалари, мажбуриятлари, Олий таълим муассасаси объективида талаба ва ўқитувчи муносабати (кейслар асосида)да ижобий ечим топиш воситалари, нотиқлик санъати тарихи, буюк нотиқлар ва уларнинг нутқ маҳоратлари таҳлиллари, муомала маданияти ва таъсирчан нутқ асослари, тюторлар ҳуқуқий онг ва маданиятини юксалтириш, (Конститутсиявий ислоҳотлар мазмун-моҳияти ҳақида тушунча бериш), согълом маънавий муҳитни ва жамоат хавфсизлигини таъминлаш ҳамда ҳуқуқбузарликларни олдини олиш бўйича тюторлар билан ҳамкорликдаги профилактик чора-тадбирлар самарадорлиги каби қатор вазифалар белгиланган.
Шунингдек, тюторларнинг ҳудудда танланган ОТМда тюторлар фаолиятини ташкил этишдаги амалий тажриба алмашинув, ички ва зиёрат туризмини амалга ошириш ҳам режалаштирилган.
Бухоро ва Навоий вилоятларидаги давлат Олий таълим муассасаларининг тюторлари учун оъқув семинари мобайнида иқтидорли талабалар томонидан ижро этилган мусиқий чиқишлар иштирокчиларга юқори кайфият бахш этди.
