Бухоро давлат педагогика институтида Хотин-қизлар маслаҳат Кенгаши томонидан Ўзбек миллий либосларига меҳр уйғотиш ва оммалаштириш, замонавий кийинишда ўзбекона шарм-ҳаё меъёрларини тарғиб қилиш, ўзбекона кийиниш маданиятини юксалтириш мақсадида «Хон атлас» фестивали бўлиб ўтди.
Фестивалда «Қизларжон» клуби аъзолари, барча профессор-ўқитувчилари ва талаба қизларимиз ўзларининг атлас-адрас, беқасам ва бошқа бетакрор миллий матолардан тикилган либосларда ва миллий аксессуарларда келишди. Миллий либослар гўзаллиги намойиш этилган, кийинишда миллийлик ва замонавийлик уйғунлиги креатив тарзда тақдим этилди.
