Болаларни тарбиялаш учун лойиқ бўлмаган тарбиячилар нега ишдан олинмаяпти?

Ғиждувон туманидаги 53-ДМТТ мудираси 2023 йил 28 февраль куни ўз ваколати доирасида барча гуруҳ хоналарда ўрнатилган кузатув камераларни болаларга берилаётган тарбия жараёнларини бирма-бир кузатган. Кузатув жараёнида мудира ташкилот тарбиячиси Муқумова Абера томонидан тарбияланувчи болаларни ҳаёти ва руҳиятига таъсир ўтказган ҳолда баланд ғазабли овозда таъзиқ ўтказилаётганлигини кўради. Дарҳол ушбу ҳолат бўйича Муқимова Аберани огоҳлантириб ушбу ҳолат қайтиб қайтарилмаслигини ва бу ҳолат тарбияланувчи болаларнинг ота-оналари томонидан ҳақли норозичилик кайфиятини келтириб чиқаришига сабаб бўлиши бўйича огоҳлантириш бериб, ҳолат бўйича расмий далолатнома тузилади. (далолатнома ва видео кузатувлар илова қилинади). Тарбиячи Муқимова Абера бу ҳаракатлари билан ўз қаровига олган вояга етмаганга нисбатан ўзи қабул қилган ёзма мажбуриятларни бажармаган ва болаларга жисмоний ва руҳий босим ўтказган.
Мудира томонидан тарбиячи Муқумова Абера бир неча бор огоҳлантирилишига қарамасдан ушбу ҳолат такроран ҳолат содир этилган.
Шунингдек, видео тасвирда ушбу ДМТТ тарбиячилари Шомуродова Хуршида томонидан ўрта гуруҳда тарбияланувчи болаларни бошидан урганлиги кўринади. Бундан ташқари, ушбу гуруҳ болаларига спорт йўриқчиси Қурбонова Зиёда томонидан: “ухла, бойўғли, кўзингни ўяман, деворга қараб ёт, ўлдиргим келади”, деб болаларни қўрқитиб ухлатаётганлигини кўриш мумкин. Болалар эса қўрққанидан йиғлаганлигини кўриш мумкин.
Умуман олганда Ғиждувон туманидаги 53-ДМТТ тарбиячилари Муқимова Абера, Шомуродова Хуршида ва Қурбонова Зиёдалар томонидан мунтазам равишда болаларни уриб, сўкиб, қўрқитиб келишган. Ушбу ҳолатлар юзасидан Бухоро вилояти мактаб ва мактабгача таълим бошқармаси бошлиғи Ф.Қурбоновга ариза билан мурожаат қилинган. Лекин Ф.Қурбонов ушбу ариза бўйича бошқарма ходими Латипов Акмални Ғиждувон туманига юборган. Лекин бошқарма бошлиғи Ф.Қурбонова, бошқарма ходими А.Латиповлар томонидан ҳозирга қадар ушбу тарбиячиларга чоралар кўрилмасдан, ишдан бўшатилмасдан келинмоқда. Ушбу ҳолатлар ота-оналарнинг ҳақли эътирозига сабаб бўлмоқда.
Мутасаддилардан ушбу ҳолатни ўрганиб, ушбу тарбиячиларни тизимдан ишдан бўшатиб, тизимга болаларни тарбиялаш учун лойиқ бўлган тарбиячиларни ишга олиш лозим.