2022 йилнинг 18 ноябр куни “Беш ташаббус олимпидаси”нинг Вобкент туман босқичида 14 та йўналиш бўйича ғолибликни қўлга киритган 300 нафардан ортиқ ёшлар Ёшлар ишлари агентлиги туман бўлимининг эсталик совғалари ва махсус дипломи билан тақдирландилар.
Бўлиб ўтган ушбу тадбирда Вобкент туман ҳокими Фарҳод Умаров бошчилигида сектор раҳбарлари, ҳоким ўринбосарлари, Спортни ривожлантириш Вобкент туман бўлими ходимлари, Ёшлар ишлари агентлиги туман бўлими ходимлари ва маҳалладаги фаол ёшлар иштирок этишди. Туман ҳокими ёшларни тақдирлар экан Муҳтарам президентимизнинг ёшларга бераётган эътибори, ёшлар учун яратиб берилган имкониятдан самарали фойдаланиш, туманда ташкил қилинган “Ёшлар маркази”, 10 дан ортиқ спорт объектлари бунинг яққол мисоли бўла олишини таъкидлади.
Олимпиадада “Ёшлар дафтари” жамғармаси маблағлари ҳисобидан 263 млн сўм маблағ сарфланди.
Тадбир якунида “Қувноқлар ва зукколар” жамоасининг саҳна кўринишлари иштирокчиларга намойиш этилди.
