РШТЁИМ Бухоро филиали бир гуруҳ маъмурият вакиллари, мутахассислар директор в.в.б. М.Ражабов бошчилигида гуруҳ томонидан 8-март “Халқаро хотин-қизлар куни” байрами муносабати билан 5-6 март кунлари Бухоро шаҳридаги ногиронлиги бўлган шахслар “Аёллар мурувват уйи”да бўлдилар.
Ушбу масканда ногиронлиги бўлган 306 нафар аёллар яшаб келмоқда. Гуруҳ аъзолари аёллар мурувват интернат уйидаги аёлларнинг соғлиги билан боғлиқ ҳолатлар билан танишдилар ва чуқурлаштирилган тиббий кўрик ташкиллаштирдилар.
Тиббий кўрикда 78 нафар аёлда турли терапевтик касалликлар хуружи аниқланди. 16 тасида “Ўткир тошли холецистит”, 1 нафарида “Киндик чурраси”, 1 тасида “Ўнг оёқ варикоз касаллиги”, 1 нафарида урологик касалликлар ташҳиси аниқланди. Беморларнинг соғлигидаги ўзгариш ва ҳолати мутахассислар томонидан батафсил баҳоланиб, амбулатор ва стационар даво муолажалари тавсия қилинди. Шунингдек, барча стационар даволанишга муҳтож беморларни РШТЁИМ Бухоро филиали бўлимларида босқичма-босқич даволаш режаси тасдиқланди.
Аёллар мурувват уйида яшовчи шахсларга филиал маъмурияти томонидан 8-март “Халқаро хотин-қизлар куни” муносабати билан байрам дастурхони ташкил қилинди. Кемтик кўнгилларга байрамона хушкайфият ҳамда шодлик улашилди.
