USD10 518.99+0.17%
RUB139.07–0.87%

«Алишер Навоий» метро бекатида аёл жонига қасд қилиш учун ўзини поезд рельсига ташлади

«Алишер Навоий» метро бекатида аёл жонига қасд қилиш учун ўзини поезд рельсига ташлади

Тошкент метрополитенининг «Алишер Навоий» бекатида 28 декабрь куни 38 ёшли аёл ўзини темир йўлга ташлаб, жонига қасд қилмоқчи бўлгани акс этган видео тарқалди. «Замон» дастури мухбири ҳолат юзасидан «Ўзбекистон темир йўллари» АЖ  ахборот-таҳлилий медиа маркази раҳбари Алишер Болтабаевдан изоҳ сўради.

Олинган маълумотга кўра, ўз жонига қасд қилмоқчи бўлган фуқаро Б.И. 1982 йилда туғилган. Айтилишича, аёл депрессия ҳолатида ўз жонига қасд қилиш мақсадида «Алишер Навоий» метро бекатидаги поезд рельсига ўзини ташлаган.

Ички ишлар ходимлари тезкорлик билан станцияга яқинлашиб келаётган поезд ҳайдовчисини огохлантирилган. Поезд фуқаро ётиб олган жойдан узоқроқда тўхтаган. Бу вақт оралиғида аёл милиция ходимлари ва йўловчилар томонидан хавфдан қутқариб қолинган. Аёлнинг бу ишга қўл уриш сабаблари  ҳозирча очиқланмаган.

Мавзуга оид