Аҳоли мурожаатларини эшитиш билан иш битмайди. Унинг ечими бизнинг бугунги кунда бажаришимиз керак бўлган энг асосий вазифамиз бўлиши керак.Қабул давомида фуқароларнинг қонуний манфаатларини ҳимоялаш ва уларни қийнаётган муаммоларни бартараф этишга алоҳида эътибор қаратилди. Қабулда фуқаролар томонидан 33 та мурожаат келиб тушган бўлса, уларнинг аксарияти уй-жой, ишга жойлашиш, электр энергияси таъминоти, соғлиқни сақлаш, моддий ёрдам олиш, “Темир” дафтарга киритиш, бепул тикув машинаси олишда ёрдам бериш, уй таъмирлашда ёрдам билан боғлиқ бўлди.Қарийб 2 соат давом этган қабулда мурожаатларнинг айримлари шу ернинг ўзида ҳал этилди, муддат талаб этиладиган масалаларни тегишли тартибда бартараф этиш бўйича масъулларга кўрсатмалар берилиб, туман ҳокимлиги томонидан ижроси назоратга олинди. Шу тариқа Вобкент туманида ўтказилган қабулда ҳар бир мурожаатчининг масаласи улар иштирокида шу ернинг ўзида кўриб чиқилди, зарур чора-тадбир белгиланди. Зеро, халқнинг дарду ташвиши билан яшаш энг асосий мақсад бўлиб, унинг рўёби юртимиз равнақига, унинг янада гуллаб-яшнашига, фуқароларнинг тинч, осуда, фаровон ҳаёт кечиришларини таъминлашга хизмат қилади.
