Азиз ромитанликлар!
Ўзбекистон Республикаси Вазирлар Маҳкамасининг 2022 йил 26 апрелдаги тегишли фармойиши асосида жорий йилнинг 30 апрель куни “Маҳалла ободлиги – юрт фаровонлиги” шиори остида умумхалқ хайрия ҳашари ўтказилиши белгиланди.
Шу муносабат билан ҳашар давомида маҳаллалар, аҳоли турар жойлари, гузарлар, хиёбонлар, зиёратгоҳлар, мўътабар масканлар, болалар майдончалари тартибга келтириш, ободонлаштириш, кўкаламзорлаштириш ишлари янада фаол олиб бориш, умумхалқ хайрия ҳашари доирасида ахолининг эҳтиёжманд қатламлари янада фаол қўллаб-қувватлаш назарда тутилган.
Ҳашар давомида ижтимоий ҳимояга муҳтож аҳоли қатламлари, эҳтиёжманд, кўмакка муҳтож, боқувчисини йўқотган кекса ва ногиронлиги бўлган фуқароларнинг уй-жойларини яхшилаш ва моддий ёрдам кўрсатишга алоҳида эътибор қаратилади.
Обод юртнинг файзи, таровати ўзгача бўлади. Зотан, озодалик, поклик, саранжом ва саришталик юртимизнинг янада кўркам бўлишига замин яратади. Бунда халқимизнинг йиллар давомида шаклланган эзгу қадрияти – ҳашар муҳим ўрин тутади.
Бу каби хайрия тадбирлари барчани ягона мақсад йўлида бирлаштириш баробарида, келажагимиз эгалари қалбида меҳнатсеварлик туйғусини шакиллантириш, шунингдек, миллий қадриятларимизни улуғлаш ва умумхалқ тадбирини муносиб кутиб олишга хизмат қилади.
Азиз ва муҳтарам тумандошлар, корхона ва ташкилот ходимлари, маҳалла фидоийлари!
Барчангизни яшаб турган жойимиз ободлигига муносиб ҳисса қўшиш, умумхалқ хайрия ҳашарида фаол иштирок этишда барчангизни бирдамликка, якдилликка чорлаб қоламан!
